Markazning yanvar–sentabr oylaridagi faoliyatiga oid hisobotiga koʻra, tarjima qilingan asarlar Imom Buxoriy, Imom Zarnujiy, Imom Gʻazzoliy va boshqa allomalar qalamiga mansub. Ushbu davrda 19 ta ilmiy nashr va 39 ta maqola ham chop etilgan.
Xorijiy fondlardan toʻplangan qoʻlyozmalarning elektron nusxalari «Sahihul Buxoriy» hamda Movarounnahr allomalari merosiga oid.
Hisobot davrida «Jaholatga qarshi - maʼrifat» shiori ostida 190 ta targʻibot tadbiri oʻtkazilgan. Raqamli platformalarda 298 ta videodars, 165 ta qisqa video va 385 ta audio hamda videoraddiya eʼlon qilingan.
Xalqaro hamkorlik doirasida 130 dan ortiq tadbir tashkil etilgan, xorijiy universitetlar va ilmiy markazlar bilan 10 ta memorandum imzolangan. Shuningdek, olti davlatdan kelgan 12 nafar tadqiqotchi markazda ilmiy amaliyot oʻtagan.
