Prezident Administratsiyasi rahbari Saida Mirziyoyeva 15-oktabr kuni Turkiya prezidenti Rajab Toyyib Erdoʻgʻan bilan uchrashgani, bundan xursand ekani, unga Shavkat Mirziyoyevning samimiy tilaklarini yetkazgani haqida xabar berdi.
«Oʻzbekiston va Turkiyani doʻstlik hamda yaqin hamkorlik rishtalari bogʻlab turadi. Muloqot chogʻida birgalikdagi saʼy-harakatlarimiz natijalari va mamlakatlarimiz oʻrtasidagi aloqalarni yanada mustahkamlash istiqbollarini muhokama qildik.
Janob Prezidentga samimiy qabul, Oʻzbekistonga qaratilayotgan alohida eʼtibor hamda qardosh xalqlarimiz oʻrtasidagi doʻstona munosabatlarni qoʻllab-quvvatlayotgani uchun chin qalbimdan minnatdorlik bildiraman», deb yozdi u ijtimoiy tarmoqdagi sahifasida.
