Sugʻurta toʻlovlari hajmi 404 milliard soʻmdan oshdi

Sugʻurta kompaniyasi faoliyatining asosiy koʻrsatkichlaridan biri – mijozlarga toʻlangan sugʻurta tovoni hajmi. Taqdim etilgan maʼlumotlarga koʻra, 2024-yildan 2026-yilning birinchi yarim yilligiga qadar kompaniya tomonidan sugʻurta hodisalari yuzasidan jami 404,25 milliard soʻmdan ortiq toʻlov amalga oshirilgan.

Yillar kesimidagi koʻrsatkichlar quyidagicha:

• 2024-yil: 6 667 ta murojaat koʻrib chiqilib, 152,3 milliard soʻm sugʻurta tovoni toʻlangan;

• 2025-yil: 45 133 ta murojaat koʻrib chiqilib, 210,2 milliard soʻm toʻlov amalga oshirilgan;

• 2026-yilning birinchi yarmi: 2 191 ta murojaat boʻyicha 41,75 milliard soʻm sugʻurta tovoni taqdim etilgan.

2025-yilda sugʻurta toʻlovlari hajmi 2024-yilga nisbatan qariyb 38 foizga oshgan. Bu davrda murojaatlar soni ham sezilarli koʻpaygan.

Hududlarda 200 nafardan ortiq ish oʻrni yaratilgan

Kompaniya maʼlumotlariga koʻra, "KAPITAL SUG‘URTA"ning respublika boʻylab 54 ta filiali, boʻlimlari va savdo markazi faoliyat yuritmoqda. Hududiy tarmoq mamlakatning barcha viloyatlari, jumladan, chekka tumanlarni ham qamrab oladi.

Mazkur boʻlinmalarda 200 nafardan ortiq mutaxassis doimiy ish bilan taʼminlangan. Kompaniya hududlarda faoliyat yuritish orqali sugʻurta xizmatlarining aholiga yaqinligini taʼminlash va mahalliy bandlikni qoʻllab-quvvatlashga eʼtibor qaratayotganini bildirgan.

Shuningdek, tashkilot soʻnggi uch yil davomida davlat byudjetiga 56,7 milliard soʻmdan ortiq soliq va majburiy toʻlovlar oʻtkazgan.

Sugʻurta xizmatlari raqamlashtirilmoqda

Taʼkidlanishicha, tashkilot faoliyatidagi muhim yoʻnalishlardan yana biri axborot texnologiyalarini joriy etish va sugʻurta xizmatlarini raqamli shaklga oʻtkazishdan iborat.

Taqdim etilgan maʼlumotlarga koʻra, mijozlar rasmiy veb-sayt, mobil ilova va Telegram-bot orqali 25 dan ortiq onlayn sugʻurta xizmatidan foydalanishi mumkin. Bu sugʻurta polislarini masofadan turib rasmiylashtirish, xizmatlardan foydalanish uchun sarflanadigan vaqtni qisqartirish va mijozlar uchun qulaylik yaratishga xizmat qiladi.