2024-yilda boshlangan hamkorlik doirasida kitob nashr etish va ularni kitobxonlarga yetkazish borasida salmoqli natijalarga erishildi. Xalq bankining qoʻllab-quvvatlashi bilan ikki tomon oʻrtasidagi shartnomalar asosida 60 ta kitob nashr etildi. Ularning umumiy adadi 2 million nusxadan oshdi.
Bu natijalar Xalq bankining nafaqat moliyaviy xizmatlar koʻrsatish, balki jamiyat uchun muhim boʻlgan maʼrifiy tashabbuslarni qoʻllab-quvvatlashga ham alohida eʼtibor qaratayotganini koʻrsatadi. Bankning hamkorlikdagi ishtiroki sifatli adabiyotlarni kengroq auditoriyaga yetkazish, kitobxonlik muhitini rivojlantirish va mutolaa madaniyatini mustahkamlashga xizmat qilmoqda.
Hamkorlikning ahamiyati nashrlar soni bilangina cheklanmaydi. Oʻzbek tilidagi adabiyotlar tanlovini kengaytirish, yosh avlodning dunyoqarashini boyitish va bolalarda kitobga mehr uygʻotish uchun yangi imkoniyatlarning yaratilishi ham ushbu tashabbusning muhim jihatlaridandir.
Xalq banki va Asaxiy Books oʻrtasidagi hamkorlik izchil davom etib, kitobxonlik madaniyatini rivojlantirish va aholining sifatli adabiyotlardan foydalanish imkoniyatlarini kengaytirishga xizmat qilmoqda.
Xalq banki jamiyat taraqqiyotiga xizmat qiladigan tashabbuslarni qoʻllab-quvvatlash orqali oʻzining ijtimoiy masʼuliyatini amaliy ishlar bilan namoyon etib kelmoqda. Zero, kitobxonlikka eʼtibor – bilimli, keng dunyoqarashli va mustaqil fikrlaydigan yosh avlod kelajagiga qaratilgan eʼtibordir.
Xalq banki – maʼrifat, bilim va kitobxonlikni qoʻllab-quvvatlash yoʻlida ishonchli hamkor.
Reklama huquqi asosida
