Andijon viloyatining Asaka tumani «Niyozbotir» MFY hududidan oʻtgan «Asaka - Quva» avtomobil yoʻlida yoʻl-transport hodisasi sodir boʻldi.
Maʼlumot berilishicha, 17-oktabr kuni soat 23:00 larda 2004-yilda tugʻilgan A.O. oʻz boshqaruvidagi «Damas» rusumli avtomashinada harakatlanib ketayotib, uxlab qolgan.
Buning oqibatida u rul boshqaruvini yoʻqotgan va avtomashina yoʻl chetidagi daraxtga urilib, agʻdarilib ketgan.
Xabar qilinishicha, mazkur YTH oqibatida hech kim tan jarohati olmagan, avtomashinaga texnik shikast yetgan.
Holat yuzasidan Asaka tumani IIB YHXG xodimlari tomonidan surishtiruv ishlari olib borilmoqda.
