Oʻzbekistonda Google Pay xizmati ishga tushdi
Google Cloud platformasining Davlat siyosati va davlat tashkilotlari bilan aloqalar yoʻnalishi boʻyicha rahbari Marsin Krasuski Oʻzbekistonda Google Pay xizmati ishga tushirilganini eʼlon qildi.
Bu haqda u Samarqand shahrida Markaziy Osiyo mamlakatlari va AQSH oʻrtasidagi “C5+1” formatidagi tadbirlar doirasida maʼlum qildi.
Google Pay (yoki qisqacha G Pay) - bu Google kompaniyasi tomonidan ishlab chiqilgan, smartfon, planshet yoki smart-soat orqali xaridni amalga oshirishga moʻljallangan raqamli hamyon va elektron toʻlov tizimi.
Ushbu tizim foydalanuvchilarga oʻz bank kartasini telefonga ulab, internetda, shuningdek, doʻkonlarda kontaktsiz toʻlov qilish imkonini beradi.
Oʻzbekiston aholisi 39,5 milliondan oshdi
2026-yil 1-oktabr holatiga Oʻzbekistonning doimiy aholisi 39 million 535 ming 225 kishini tashkil etdi. Milliy statistika qoʻmitasi maʼlumotlariga koʻra, bu oʻtgan yilning mos davriga nisbatan 692,2 ming kishiga yoki 1,8 foizga koʻp.
Aholi soni boʻyicha Samarqand viloyati yetakchilik qilmoqda - hududda 4 million 462 ming 783 kishi istiqomat qiladi. Ikkinchi oʻrinda 4 million 293 ming 1 kishi bilan Fargʻona viloyati, uchinchi oʻrinda esa 3 million 799 ming 43 kishi bilan Toshkent viloyati turibdi.
Samarqand va Fargʻona aholisi toʻrt milliondan oshgan ikki viloyat boʻlib turibdi. Sirdaryo esa doimiy aholisi bir millionga yetmagan yagona hududdir.
Toshkentda kuryerga qoʻpollik qilgan shaxs qamaldi
Toshkentning Mirobod tumanida B.P. restorani vakilining kuryerga qoʻpol muomala qilgani aks etgan video tarqalishi ortidan ikki yoʻnalishda chora koʻrildi: u 5 sutka maʼmuriy qamoqqa hukm qilindi, piyodalar yoʻlagi esa «qonunchilik talablariga muvofiq holga keltirildi».
