Dunyoning turli mamlakatlaridan ishlab chiqaruvchilar, eksportchilar va salohiyatli hamkorlarni birlashtirgan mazkur xalqaro maydon milliy mahsulotlarni keng targʻib etish, yangi savdo aloqalarini yoʻlga qoʻyish hamda eksport imkoniyatlarini kengaytirishda muhim ahamiyat kasb etadi.
«Turonbank» ATB vakillari ham ushbu nufuzli koʻrgazmada «Oʻzbek limoni» milliy brendi ostida yurtimiz mahsulotlarini xalqaro maydonda targʻib etishda ishtirok etmoqda. Bu orqali mamlakatimizning eksport salohiyatini namoyon etish, mahalliy ishlab chiqaruvchilar imkoniyatlarini keng yoritish va oʻzbek limonlarining xorijiy bozorlardagi nufuzini oshirishga alohida eʼtibor qaratilmoqda.
Yorqin rangi, xushboʻy ifori va betakror taʼmi bilan ajralib turadigan oʻzbek limonlari yurtimizning tabiiy imkoniyatlari, dehqonlarimizning fidokorona mehnati va milliy mahsulotlarimizning oʻziga xosligini namoyon etadi. Parijdagi xalqaro koʻrgazma esa mahalliy mahsulotlarni xorijiy xaridorlarga tanitish, yangi hamkorlik aloqalarini rivojlantirish hamda oʻzbek limonlarining eksport geografiyasini kengaytirish uchun muhim imkoniyat yaratadi.
«Turonbank» ATB tadbirkorlar va eksportchilarning ishonchli hamkori sifatida mahalliy ishlab chiqaruvchilarni qoʻllab-quvvatlash, ularning xalqaro bozorlarga chiqish imkoniyatlarini kengaytirish hamda milliy mahsulotlarimiz raqobatbardoshligini oshirishga qaratilgan tashabbuslarni izchil davom ettiradi.
Oʻzbek limoni - yurtimiz salohiyati va milliy mahsulotlarimiz iftixori!
Reklama huquqi asosida
