AQSH Mehnat statistikasi byurosi baholariga koʻra, shu davrda mamlakat boʻyicha umumiy bandlik 3,5 foizga oʻsadi. Demak, muhandislik sohasidagi oʻsish surʼati umumiy koʻrsatkichdan ikki barobardan ziyod boʻlishi kutilmoqda.
Sunʼiy intellektning mehnat bozoriga taʼsiri keng muhokama qilinayotgan bir paytda, prognozlar qator muhandislik yoʻnalishlarida ish oʻrinlari koʻpayishini koʻrsatmoqda.
Ish oʻrinlari eng tez koʻpayishi kutilayotgan muhandislik yoʻnalishlari:
Sanoat muhandisligi - 12 foiz;
Mexanika muhandisligi - 11 foiz;
Elektr muhandisligi - 10 foiz;
Kompyuter uskunalari muhandisligi - 9 foiz;
Aerokosmik muhandislik - 8 foiz;
Bioinjeneriya - 8 foiz;
Materiallar muhandisligi - 8 foiz;
Qishloq xoʻjaligi muhandisligi - 7 foiz;
Qurilish muhandisligi - 6 foiz.
Biroq foizdagi yuqori oʻsish har doim ham koʻproq yangi ish oʻrni yaratilishini anglatmaydi. Natija muayyan sohada hozir qancha mutaxassis ishlayotganiga ham bogʻliq.
Masalan, qurilish muhandisligidagi 6 foizlik oʻsish taxminan 24,5 mingta yangi ish oʻrniga teng. Qishloq xoʻjaligi muhandisligida esa oʻsish 7 foiz boʻlishi kutilsa-da, bu atigi 100 ta qoʻshimcha ish oʻrnini anglatadi.
Umumiy mehnat bozorida eng tez oʻsadigan yoʻnalishlardan biri sogʻliqni saqlashdagi yordamchi xizmatlar boʻlishi prognoz qilingan. Bu sohada bandlik 13,3 foizga koʻpayishi kutilmoqda.
Keltirilgan raqamlar AQSH mehnat bozoriga oid prognozlar boʻlib, 2025–2035-yillarda ish oʻrinlari sonining sof oʻsishini ifodalaydi. Ular boshqa mamlakatlardagi talab yoki muayyan kasb boʻyicha ishga joylashish kafolatini anglatmaydi.
