Siemens O‘zbekistonda ikkita IES quradi
Germaniyaning Siemens kompaniyasi bilan hamkorlikda Surxondaryo va Navoiy viloyatlarida issiqlik elektr stansiyalari qurish bo‘yicha kelishuvga erishildi. Kun.uz muxbirining Berlindan xabar berishicha, bu haqda 2 may kuni Germaniya–O‘zbekiston biznes forumida ma’lum qilingan.
O‘zbekiston energetika vaziri Jo‘rabek Mirzamahmudov Kun.uz muxbiri bilan suhbatda kelishuvning ayrim tafsilotlarini ma’lum qildi.
“Siemens kompaniyasi birinchi marta nafaqat uskuna yetkazib beruvchi, balki investor sifatida ham ishtirok etyapti. Bu kompaniya bilan Surxondaryoda yangi IES qurish, Navoiyda tashkil etilayotgan kimyo klasteri doirasidagi IESni qurish hamda 1000 MW gacha quvvatdagi shamol va quyosh energetikasi bo‘yicha stansiyalar qurishga kelishib oldik.
Bu, albatta, birdaniga bo‘lmaydi. Masalan, Surxondaryodagi IES qurilishi bu yil boshlansa, 2026 yilda ishga tushadi. 2023 yil bo‘yicha esa Siemens'da mavjud bo‘lgan turbinalarning shartnomasini imzoladik. Bu turbinalar Buxoro va Muborakdagi issiqlik markazlariga o‘rnatiladi. Bu turbinalarni joriy yilda yetkazib, montaj qilib, dekabr oyigacha ishga tushirishga kelishib oldik. Ya’ni 150-160 MW yangi quvvatni ishga tushirilishi rejalashtirilgan”, – dedi Jo‘rabek Mirzamahmudov Berlinda bo‘lib o‘tgan biznes forum doirasida bergan intervyusida.
Eslatib o‘tamiz, 2 may kuni prezident Shavkat Mirziyoyevning Germaniyaga rasmiy tashrifi amalga oshirilmoqda.
Avvalroq Germaniyaning “Infineon Technologies” kompaniyasi bilan hamkorlikda O‘zbekistonda mikrochiplar ishlab chiqarish rejalashtirilayotgani haqida xabar berilgandi.
Mavzuga oid
![](https://storage.kun.uz/source/thumbnails/_medium/10/AjqqmZUGy8eAF4jtqYFognUCIgIYYh9X_medium.jpg)
18:51 / 07.08.2024
O‘zbekiston 2030 yildan ortiqcha elektr energiyani Yevropaga eksport qilishi mumkin
![](https://storage.kun.uz/source/thumbnails/_medium/10/TRZ_xa-MlkWNu8RWNcpGojjKsaSR7IN4_medium.jpg)
10:46 / 09.07.2024
Andijon, Farg‘ona va Surxondaryoda elektr tarmoqlariga noqonuniy ulanish holatlari fosh etildi
![](https://storage.kun.uz/source/thumbnails/_medium/10/MpwXrjYbCh14oPQSzcSBIGw9WeFO85bf_medium.jpg)
16:48 / 06.07.2024
577 so‘mdan 998 so‘mgacha - IESlarda ishlab chiqarilayotgan elektr energiyasining tannarxi qancha?
![](https://storage.kun.uz/source/thumbnails/_medium/10/z8jIfNEfcmYoXBgSwZWtJ0hweQt0f35K_medium.jpg)
14:04 / 03.07.2024