Qaşqadaryo yil oxirigaça kambağallik va işsizlikdan xoli hududga aylantiriladi
|12:26 / 22.10.20267 9377 min
Qaşqadaryoda 2026-yil oxirigaça kambağallik va işsizlikni tugatiş uçun aniq hisob-kitoblar bor, dedi Şavkat Mirziyoyev. Yiğilişda “Sultonteks” klasteri rahbari Nurbek Ergaşev va limonçilik maktabini yaratgan Abdumannop Xudoyberdievga davlat mukofotlari berildi. “Mutolaa” loyihasi boş muharriri Javlon Jovliev va “Yoş kitobxon oila” tanlovining ikki ğolibiga Toşkentdan yangi xonadonlar sovğa qilindi.
Foto: Prezident matbuot xizmatiFoto: Prezident matbuot xizmati
Prezident Şavkat Mirziyoyev Qaşqadaryoga taşrifida viloyatni ijtimoiy-iqtisodiy rivojlantiriş böyiça yiğiliş ötkazmoqda.
Davlat rahbari yiğiliş iştirokçilarini Özbek tili bayrami bilan tabriklab,Qaşqadaryo farzandi, Özbekiston Qahramoni va davlat madhiyamiz muallifi Abdulla Oripovni yodga oldi.
Bir neça yil avval eng murakkab vaziyatdagi hududlardan biri bölgan Qaşqadaryoni yil yakuniga qadar kambağallik va işsizlikdan xoli hududga aylantiriş maqsad qilingan. Şavkat Mirziyoyev bu natijaga erişiş uçun aniq hisob-kitoblar mavjudligini qayd etdi.
“Keça viloyatning şahar va tumanlarida, mahallalarida bölgan özgarişlarni körib, tadbirkor, investor, yoşlarning közlaridagi şijoatni körib, juda katta kuç oldim”,– dedi prezident.
Davlat rahbari “Sultonteks” klasteri rahbari Nurbek Ergaşevning energiya va suvni tejaydigan zamonaviy korxonasi faoliyati bilan tanişganini aytdi. Tadbirkorning 2028-yilgaça yana 30 ming kişini iş bilan taʼminlaş, ayniqsa, ayollar uçun köproq imkoniyat yaratiş rejalari qöllab-quvvatlandi.
Şavkat Mirziyoyev Nurbek Ergaşevga “Özbekistonda xizmat körsatgan tadbirkor” faxriy unvonini beriş töğrisidagi farmonga imzo qöyganini bildirdi.
Qamaşi tumanidagi Çim mahallasida sulolaviy limonçilik maktabini yaratib, aholi daromadini oşirişga hissa qöşayotgan Abdumannop Xudoyberdievga ham “Özbekistonda xizmat körsatgan qişloq xöjaligi xodimi” unvoni beriladi.
Qaşqadaryoda maʼrifatni tarğib etayotgan “Mutolaa” loyihasining boş muharriri Javlon Jovlievning mehnati ham eʼtirof etildi. Unga, şuningdek, “Yoş kitobxon oila” respublika tanlovi ğoliblari Baxtişod Raşidov va Eʼzoza Xuşvaqtovaga Toşkent şahridan ikki xonali yangi xonadonlar sovğa qilinişi aytildi.
Mavzuga oid
Davlat rahbari mazkur mukofotlarni şu yerning özida topşirişni taklif etdi.
Iqtisodiy ösiş
Qaşqadaryoda yilning töqqiz oyida sanoat 8,4 foiz, xizmatlar 16,6 foiz, qişloq xöjaligi 4,9 foizga ösdi. Şu bilan birga, prezident hozirgi natijalar bilan viloyatning mavjud salohiyati örtasida hali katta farqborligini körsatib ötdi.
Aholi jon boşiga sanoat mahsulotlari böyiça viloyat respublikada yettinçi, xizmatlar böyiçatöqqizinçi, qişloq xöjaligi va quriliş hajmi böyiça ön birinçi örinda. Şavkat Mirziyoyev tuman hokimlari va banklar“bilimga – rağbat, mehnatga – imkoniyat, taşabbusga – madad” beradigan muhit yaratsa, Qaşqadaryo bir-ikki yilda eng ilğor hududlar qatoriga çiqişi mumkinligini taʼkidladi.
Sanoat
Sanoatda yangi bosqiçga ötiş uçun viloyatda yetarli resurs bor. Gaz, elektr va yer osti boyliklarini daromadli iş örinlari hamda yuqori qöşilgan qiymatga aylantiriş vazifasi qöyildi.
GTL zavodida qiymati 300 million dollar bölgan uçta yirik loyiha tayyor. Zavoddan olinadigan 430 ming tonna nafta asosida yangi polimerlar va neft-kimyomahsulotlari işlab çiqariş böyiça 1,5 milliard dollarlik loyihani amalga oşiriş mumkin.
Dehqonobod kaliy zavodi quvvatini 365 ming tonnadan 600 ming tonnaga yetkaziş imkoniyati, kiçik tonnajli kimyo yönalişida esa 830 million dollarlik 30 dan ortiq loyihaviy taklif bor.
Viloyatga tayinlangan loyiha menejeri va boşqa masʼullarga 20 milliard dollarlik loyihalar va 50 ming iş örniniqamrab oladigan uçyillik dasturtayyorlaş topşirildi.
Qaşqadaryo sanoatida yirik korxonalar atrofida kooperatsiya zanjirlarinişakllantirişga alohida eʼtibor qaratiladi. Yil yakunigaçaĞuzor, Şörtan, Muborak, Dehqonobod va Nişonda oltita sanoat klasteri taşkil etiş, Şörtan, Muborak, Yakkaboğ va Kosonda “Qaşqadaryo” erkin iqtisodiy zonasi filiallarini oçiş vazifasi qöyildi. Infratuzilma uçun dastlab 250 milliard söm yönaltiriladi.
Şuningdek, Xitoyning FM World korxonasida yiğilayotgan zamonaviy traktor va qişloq xöjaligi texnikalarini mahalliylaştiriş, mazkur korxonada agrodronlar işlab çiqariş loyihalarini boşlaş belgilandi.
Energetika
Prezident ötgan hafta energetika sohasidagi yirik investorlarning taşabbuslarini birma-bir eşitganini qayd etdi. Masdarkompaniyasikelasi yilQaşqadaryoda 300 megavattli quyoş elektr stansiyasiva 75 megavattli energiya saqlaş quvvatiniişga tuşiradi. Uşbu loyiha qiymati 250 million dollar.
Qarşi tumanida xitoylik hamkor iştirokida çiqindidan elektr energiyasi oliş böyiça 45 megavattli loyiha yakunlanmoqda. Elektr tarmoqlarini mustahkamlaş uçun Nişon va Kökdalada ikkita yirik podstansiya qurilişiga 70 million dollar jalb qilinadi. Ularni kelasi yil işga tuşiriş vazifasi qöyildi.
Tolimarjon – Söğdiyona yönalişidagi 245 kilometr yangi elektr tarmoğiga 150 million dollar ajratilgan. Mutasaddilarga uşbu loyihani kelasi yil yakunlaş topşirildi.
Qişloq xöjaligi
Qaşqadaryo qişloq xöjaligining özida qöşimça 200 ming kişini daromadli qiliş imkoniyati bor. Şu maqsadda Jahon banki bilan Misr tajribasi asosida sakkizta tumandagi 100 ming gektar yaylovga dronlar yordamida qurğoqçilik va şörga çidamli çorva ozuqasi ekiş boşlanadi.
Bu işlar Nişon, Ğuzor, Muborak, Kökdala, Koson, Mirişkor, Qamaşi va Dehqonobodda olib boriladi. Mazkur tumanlarda 10 ming boşdan yirik va 50 ming boşdan mayda şoxli çorva komplekslarini taşkil etiş vazifasi qöyildi. Import qilingan çorvani aholiga sotişda qöşilgan qiymat soliğining nol stavkasi qöllanadi.
Ğuzor tumanida 10 ming gektar yer foydalanişga kiritiladi. Yerning yarmida paxta, qolgan qismida ozuqa ekinlari yetiştiriladi. Yerlar dehqonlarga berilib, klaster tizimi yölga qöyiladi.
Yerlarni xöjalik aylanmasiga kiritiş uçun bir haftada imtiyozlar paketini işlab çiqiş topşirildi.
Kosmik maʼlumotlar asosida Qaşqadaryoda foydalanişga kiritiş mumkin bölgan yana 30 ming gektar yer aniqlandi. Uning eng katta qismi Muborak, Koson va Kökdalaga töğri keladi. Nişon, Qamaşi, Qarşi, Mirişkor, Ğuzor, Yakkaboğ, Kitob, Çiroqçi va Şahrisabzda ham qöşimça maydonlar özlaştiriladi. Bu işga Misrdan ön nafar doimiy maslahatçi jalb etiladi.
Prezidentimiz Qaşqadaryoda ekin maydonlariga suv yetkaziş murakkab va qimmatga tuşayotganiga eʼtibor qaratdi.
Kelasi yil 265 kilometr kanal betonlaştiriladi, 20 ta nasos yangilanadi. Bu işlarga 550 milliard söm ajratiladi. 2027-yilda fermerlar bilan birga 75 ming gektarda suv tejovçi texnologiyalar joriy etiladi.
Bu yil Koson, Nişon, Qamaşi va Mirişkorda siğimi 50 ming kub metrdan bölgan törtta kiçik suv hovuzi qurildi. Mazkur tajriba kengaytirilib, 1-iyungaça Koson, Nişon, Mirişkor, Qamaşi va Yakkaboğning har birida yana ikkitadan şunday hovuz barpo qilinadi.
