17:00 / 15.07.2022
6812
Tanishuv: Andijon davlat universiteti

90 yillik tarixga ega Andijon davlat universitetini mustaqillik yillarida 50 mingdan ziyod talabalar tamomlab, mamlakatimiz rivojiga o‘zlarining munosib hissasini qo‘shib kelmoqdalar. Bugungi kun yoshlari yuksak darajada bilim olishi uchun barcha sharoitlarga ega bo‘lgan oliy ta’lim muassasasining mavjud 53 ta yo‘nalishlarida 24 ming nafar talaba o‘qiydi. Tanishtiruv ruknida – Andijon davlat universiteti

Vodiy viloyatlarida yetakchilardan bo‘lgan oliy ta’lim muassasasining bu yil abituriyentlarga qanday yangiliklari bor?

Universitetda:

- Filologiya,

- Fizika-matematika,

- Ijtimoiy iqtisodiyot,

- Tarix,

- Pedagogika,

- Tabiiy fanlar,

- Jismoniy madaniyat,

- Maktabgacha ta’lim,

- San’atshunoslik,

- Axborot texnologiyalari va kompyuter injiniringi fakultetlari mavjud. Ularda 32 ta kafedra faoliyat yuritmoqda. Kunduzgi ta’limda 3 ta:

- Sotsiologiya,

- Kompyuter ilmlari va dasturlash texnologiyalari (yo‘nalishlar bo‘yicha),

- Muqobil energiya manbalari (turlari bo‘yicha) ta’lim yo‘nalishlari 2022-2023 o‘quv yilida ochildi. Kunduzgi ta’limda jami bo‘lib 25 ta ta’lim yo‘nalishlari mavjud.

Masofaviy ta’limda:

- Kompyuter injiniringi: Kompyuter injiniringi,

- Kompyuter injiniringi: AT-Servis ta’lim yo‘nalishlari 2022-2023 o‘quv yilida yangi ochildi.

Sirtqi ta’limda esa 9 ta:

- Tarix (mamlakatlar va yo‘nalishlar bo‘yicha),

- Filologiya va tillarni o‘qitish: o‘zbek tili,

- Psixologiya (faoliyat turlari bo‘yicha),

- Inson resurslarini boshqarish,

- Biologiya (turlari bo‘yicha),

- Geografiya,

- Kompyuter injiniringi: AT-Servis,

- Sport faoliyati: Boks,

- Sport faoliyati: Futbol ta’lim yo‘nalishlari bu yilgi abituriyentlarni kutadi.

Magistrturada:

- Folklorshunoslik va dialektologiya,

- Adabiyotshunoslik: o‘zbek adabiyoti mutaxassisliklari 2022-2023 o‘quv yilida ochildi. Shuningdek, magistraturada jami bo‘lib 13 ta mutaxassisliklar mavjud.

2022/2023 o‘quv yili uchun bakalavriatning kunduzgi ta’lim shakli uchun 25 ta ta’lim yo‘nalishlariga 1250 ta kvotalar ajratilgan bo‘lib, shundan 275 tasi davlat granti, 975 tasi to‘lov-shartnoma asosida, sirtqi ta’lim shakli bo‘yicha 9 ta ta’lim yo‘nalishlariga 425 nafar, magistraturaning 13 ta mutaxassisliklariga 78 nafar qabul kvotalari belgilangan. Xorijiy OTMlari bilan hamkorlikdagi qo‘shma ta’lim dasturlarida alohida kvotalar ajratilgan bo‘lib, 4 ta ta’lim yo‘nalishi bo‘yicha 100 nafardan ziyod kadrlar tayyorlash belgilangan.

Andijon davlat universitetida abituriyentlar va ularning ota-onalariga ONLAYN ro‘yxatdan o‘tish, qabul jarayoni yuzasidan qiziqtirgan savollar bo‘yicha javob berish maqsadida “Murojaatlar markazi” (CALL-CENTER) tashkil etildi.

Hurmatli ota-onalar va abituriyentlar, qabul masalalari bo‘yicha har qanday savollaringizni mazkur call-center raqamlariga yo‘llashingiz mumkin.

Soat 9:00 dan 18.00 ga qadar quyidagi raqamlarga:

📞 O‘zbek tilidagi murojaatlar uchun:

+998742248197

+998742248194

+998742248189

+998742248196

📞 Rus tilidagi murojaatlar uchun:

+998742248192

Andijon davlat universitetining rasmiy sahifalari

Veb-sayt | Telegram | Facebook | Instagram | YouTube

Reklama huquqi asosida

Top