08:40 / 20.08.2022
2823
Ummonda O‘zbekiston savdo maydonchasini ochish rejalashtirilmoqda

Masqat shahrida Ummon savdo-sanoat palatasi bilan hamkorlik istiqbollari muhokama qilindi.

Foto: Dunyo

O‘zbekistonning Masqatdagi elchixonasi tomonidan Ummon Savdo-sanoat palatasi ijrochi direktori Al-Fazal al-Hinaiy bilan uchrashuv uyushtirildi, deb xabar bermoqda “Dunyo”.

Al-Fazal al-Hinaiy mamlakat keng iqtisodiy imkoniyatlarini inobatga olgan holda Ummon ishbilarmon doiralari vakillari e’tiborini O‘zbekistonga qaratish borasida ko‘mak ko‘rsatishga tayyor ekanini ma’lum qildi.

Al-Hinaiy O‘zbekiston tovar-xomashyo birjasi bilan hamkorlik o‘rnatish va mamlakat savdo maydonchasini ochish nafaqat Ummon bilan, balki qo‘shni Fors ko‘rfazi va G‘arbiy Afrika davlatlari bilan ham savdo-sotiq munosabatlarini kengaytirishga xizmat qilishini ta’kidladi.

Hamkorlik dastlabki qadami sifatida ikki mamlakat mutaxassislari ishtirokida onlayn muloqot o‘tkazish hamda Ummonda O‘zbekiston mahsulotlari ko‘rgazmasini tashkil etish muhimligi qayd etildi.

Top