08:35 / 26.09.2022
2655
Maktablarda o‘quvchilar a’zo bo‘layotgan «Vatan tayanchi» harakati haqida ma’lumot berildi

Harakat tavsiyanomasiga ega bo‘lganlar OTMga kirishda to‘plagan ballari 5 foizi miqdorida qo‘shimcha ball shaklida imtiyozga ega bo‘ladi.

Otabek Yo‘ldoshev

«Vatan tayanchi» — bolalar va o‘smirlar harbiy-vatanparvarlik harakati hisoblanadi. Bu haqda Mudofaa vazirligi axborot xizmati rahbari Otabek Yo‘ldoshev ma’lum qildi.

Qayd etilishicha, harakatning faoliyati ma’naviy yetuk va jismonan sog‘lom barkamol avlodni voyaga yetkazish kabi maqsadlarga qaratilgan.

«Vatan tayanchi» otryadi a’zoligiga umumta’lim maktabining 10-11 sinf o‘quvchilari orasidan a’zo bo‘lish istagini bildirgan umumiy 20 nafar yoshlar saralab olingan.

«Vatan tayanchi» harakatining tegishli tavsiyanomasiga ega bo‘lgan otryad a’zolari oliy harbiy ta’lim muassasalariga o‘qishga kirishda test sinovlari natijalariga ko‘ra to‘plagan ballari 5 foizi miqdorida qo‘shimcha ball shaklida imtiyozga ega bo‘ladi.

Mavzuga oid
Top