Shavkat Mirziyoyev Samarqandda Islom Karimov maqbarasini ziyorat qildi

Prezident Shavkat Mirziyoyev 2 sentabr kuni Samarqand shahridagi Hazrati Xizr majmuasiga tashrif buyurib, Islom Karimov maqbarasini ziyorat qildi. Qabr poyiga gul qo‘yilib, Qur’on oyatlari tilovat etildi va duo o‘qildi.

Foto: Prezident matbuot xizmati

Parlament va hukumat a’zolari, jamoat tashkilotlari vakillari, mehnat faxriylari ishtirok etgan marosimda Birinchi Prezident xotirasiga hurmat bajo keltirdi. Shuningdek, Qur’on oyatlari tilovat etilib, duo o‘qildi. Bu haqda prezident matbuot xizmati xabar bermoqda.

Tadbir yakunlangach, davlat rahbari Toshkentga qaytib keldi.

O‘zbekiston prezidenti Shavkat Mirziyoyevning 2017 yil 25 yanvardagi qaroriga muvofiq, Islom Karimov xotirasini abadiylashtirish bo‘yicha ko‘p ishlar qilindi: yirik majmualar, shaharlardagi markaziy ko‘chalarga Islom Karimov nomi berildi. Toshkentda Islom Karimov nomidagi ilmiy-ma’rifiy yodgorlik majmuasi tashkil qilindi, Samarqandda maqbara barpo etildi.