«O‘ztransgaz» raisi o‘rinbosari «Lukoyl» oldidagi qarzdorlik tufayli lavozimidan ozod etildi

Baxtiyor Anorqulov «O‘ztransgaz» kompaniyasi raisining moliya bo‘yicha o‘rinbosari vazifasini bajaruvchi lavozimidan ozod etildi.

«Anorqulov egallab turgan lavozimidan ozod etildi. Qayta tashkillashtirish munosabati bilan «O‘zbekneftgaz» markaziy apparatiga o‘tkazildi», – deb ma'lum qildi kompaniya vakili.

Gazeta.uz ma'lumot berishicha, Anorqulovning lavozimidan chetlatilishiga «Lukoyl» oldidagi katta miqdordagi qarzdorlik sabab bo‘lgan.

Avvalroq «Lukoyl»ning qazib olish bo‘yicha katta vitse-prezidenti Azat Shamsuarov O‘zbekiston 2018 yilda Rossiya kompaniyasi oldida 600 mln dollarga yaqin miqdorda qarzdor bo‘lib qolganini xabar qilgandi.

Shamsuarov qarzdorlik mahsulotni bo‘lishib olish to‘g‘risidagi kelishuvda qazib olingan gaz to‘liq eksport qilinishi ko‘zda tutilgan bo‘lsa ham, O‘zbekiston qazib olingan gazning bir qismini ichki bozorga olib qolgani sababli vujudga kelganini ma'lum qilgandi.