Qashqadaryodagi GTL zavodida ishchilar ommaviy tartibsizlik keltirib chiqardi

Ijtimoiy tarmoqlarda Qashqadaryodagi GTL zavodining yuzlab ishchilari ishtirokida ommaviy tartibsizliklar yuzaga kelgani tasvirlangan videolar tarqaldi.

Foto: Videodan kadr

Videolarda xizmat kiyimidagi yuzlab ishchilar zavod hududi bo‘ylab harakatlanishi, noroziliklarini turli shakllarda ifoda qilishini ko‘rish mumkin.

Videolardan birida zavod hududida yong‘in chiqqani va osmonga qora tutun ko‘tarilgani aks etgan.

«Enter Engineering Pte.Ltd.» kompaniyasi matbuot xizmati ma'lumotiga ko‘ra, hodisa 21 oktabr kuni ertalab, ishchilar uchun mo‘ljallangan oshxonadagi monoblok tizimidagi (elektron kirish tizimi) texnik nosozlik tufayli sodir bo‘lgan, oqibatda ular kundalik ovqatlanishga kira olmagan. Bu esa katta norozilik keltirib chiqargan.

Kun.uz muxbiri hodisa tafsilotlarini o‘rganish uchun voqea joyiga yo‘l olgan.

#Uzbekistan GTL #Qashqadaryo viloyati #Enter Engineering