Navalniy Rossiyaga qaytishi bilanoq hibsga olindi

Foto: Getty Images
Berlindan Moskvaga uchib kelgan rossiyalik muxolifatchi Aleksey Navalniy Sheremetevo aeroportida pasport tekshiruvidan o‘tgach hibsga olindi. Navalniying hibsga olinishi “Iv Roshe” jinoyat ishi bo‘yicha Jazolarni ijro etish federal xizmati (FSIN) xodimlari tomonidan o‘tkazilgan. Siyosatchi sudgacha hibsga olingan.
Bundan avvalroq muxolifatchi “Pobeda” aviakompaniyasining samolyoti bilan Moskvaga uchib kelgan. Rejaga ko‘ra, samolyot Vnukovo aeroportiga qo‘nishi kerak bo‘lgan, biroq u Sheremetevoga jo‘natilgan.
Navalniyning ushlanishi vaqtida unga buning sababi ma'lum qilinmagan. Muxolifatchining rafiqasiga va advokatiga u bilan birga borishga ruxsat berilmagan.
Keyinroq FSIN matbuot xizmatida Navalniyning ushlanishiga izoh berilib, u sinov muddatini ko‘plab marta buzgani uchun 2020 yil 29 dekabrdan beri qidiruvda bo‘lgani ta'kidlab o‘tilgan. Navalniyga nisbatan keyingi ehtiyot chorasini sud belgilaydi.
Navalniy 2020 yil 20 avgustda Tomskdan Moskvaga parvoz vaqtida o‘zini betob his qilgan. Shundan keyin samolyot Omskda favqulodda qo‘nishni amalga oshirib, Navalniy mahalliy shifoxonaga yetkazilgan. Shifokorlar unga qondagi shakarning keskin o‘zgarishiga olib kelgan moddalar almashinuvi buzilishi tashxisini qo‘yishgan. Keyinroq Navalniy davolanish uchun Germaniyaga jo‘natilgan. Germaniyada muxolifatchi “Novichok” zaharli moddalari guruhiga kiruvchi substansiya bilan zaharlangani ma'lum qilingan.
Navalniy Germaniyada davolanishdan o‘tgach 23 sentyabrda shifoxonadan chiqarilgan va hozirgacha u yerda qolgan.
Tavsiya etamiz
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
«Siti» va «Real»da qayta qurish boshlandi. Yozning ilk haftalaridagi transferlar
Sport | 18:12 / 15.06.2025
AQSh–Eron muzokaralari taqdiri nima bo‘ladi?
Jahon | 23:29 / 14.06.2025
Parkentda 3 bola suvga cho‘kib halok bo‘ldi
Jamiyat | 20:35 / 14.06.2025
So‘nggi yangiliklar
-
SSSRning so‘nggi rahbari: siyosatni odob-axloq bilan bog‘lagan Gorbachyov
Jahon | 17:20
-
O‘zbekiston TIV Eron–Isroil mojarosi haqida fikr bildirishda tavsiyalar berdi
O‘zbekiston | 17:13
-
Shohimardon va So‘xga borishdagi postlar 24 soatlik ish tartibiga o‘tmoqda
O‘zbekiston | 16:36
-
Toshkent viloyati ekoturizm salohiyatini rivojlantirishda Ozarboyjonning Agalarov Development kompaniyasi hamkorlik qiladi
O‘zbekiston | 15:47
Mavzuga oid

08:40 / 13.05.2025
Xalqaro fuqaro aviatsiyasi tashkiloti MH17 halokati uchun Rossiyani javobgar deb topdi

17:02 / 12.05.2025
Rossiyada xorijliklarga tibbiy yordam ko‘rsatish tartibi o‘zgaradi

14:54 / 12.05.2025
Rossiya TIV: Avval Istanbuldagi muzokaralar, keyin - sulh mavzusi

13:00 / 12.05.2025