«Yer tuzish va ko‘chmas mulk kadastr» DK Andijon shahar filiali bo‘lim boshlig‘i K.B., fuqaro Z.D.ning turar-joy bino-inshootiga egalik huquqini beruvchi hujjatlarni rahbarlari orqali rasmiylashtirib berishi evaziga 800 dollarni firibgarlik yo‘li bilan olgan vaqtida ashyoviy dalil bilan ushlangan.
Holat yuzasidan K.B. va boshqalarga nisbatan Jinoyat kodeksining 168-moddasi 3-qismi «v» bandi va 28, 211-moddasi 1-qismi bilan jinoyat ishi qo‘zg‘atilib, tergov harakatlari o‘tkazilmoqda.
Tezkor tadbir Departamentning Andijon shahar bo‘limi tomonidan DXX xodimlari bilan hamkorlikda o‘tkazilgan.
Andijon tuman DSI bo‘lim boshlig‘i ustidan jinoiy ish ochildi
Andijon viloyat transport boshqarmasi bo‘lim boshlig‘i qo‘lga olindi
Bo‘stonliqda noqonuniy yer sotgan mansabdorning siri fosh bo‘ldi
Bo‘stonliq tumani Yer resurslari va davlat kadastri bo‘limi boshlig‘i B.Yu. o‘z xizmat xonasida tumandagi Qoramazor MFY sobiq raisi X.M.dan muqaddam unga soxta ma'lumotlar tayyorlab bergani evaziga bergan 2 500 dollarini qaytarib olgan vaqtida ashyoviy dalil bilan ushlangan.
Aniqlanishicha, B.Yu. mansab vakolatini suiiste'mol qilib, 2019 yilning yanvar oyida MFY sobiq raisi X.M.ga mahallada yashovchi 4 nafar fuqaro nomiga xo‘jalik kitobidan soxta ko‘chirma yozib bergani evaziga 2 500 dollar berib, ushbu ma'lumotlar asosida Qoramozor mahallasidagi zaxira yerdan 4 nafar fuqaro nomiga 32 sotix yer maydoni kadastr hujjatlarini rasmiylashtirib, 2019 yilning noyabr oyida ushbu yer maydonini Toshkent shahrida yashovchi fuqaroga 14 000 dollarga oldi-sotdi shartnomasi asosida sotib yuborgan.
Holat yuzasidan B.Yu.ga nisbatan Jinoyat kodeksining 168-moddasi 4-qismi «a» bandi va 28, 211-modda 3-qismi «a» bandi bilan jinoyat ishi qo‘zg‘atilib, tergov harakatlari o‘tkazilmoqda.
