Mirziyoyev: «Islom - nur ekanini odamlar tarbiyasiga singdira olmadik. Fojiamiz shunda»
![](https://storage.kun.uz/source/4/CAUJME8FKdR4Ty1oiSo7AfDelvc9J-fr.jpg)
Prezident Shavkat Mirziyoyev Surxondaryo viloyatiga tashrifi davomida Termiz yaqinidagi Sulton Saodat maqbarasini ziyorat qildi. Prezident ushbu qadamjo ulkan ma'naviy meros, musulmonlar uchun tabarruk maskan ekanini qayd etib, uning tarixini mukammal o‘rganish, xalqimizga va chet elliklarga yetkazish zarurligini ta'kidladi.
«Qayerga borishimizdan qat'i nazar, Islom sivilizatsiyasi markazi, Samarqandda Imom Buxoriy markazi, mana, Hadisshunoslik maktabini ochganimiz, buning tagida juda katta ilohiy kuch bor. Xuddi alifboga o‘xshab noldan boshlayapmiz.
Islom sivilizatsiya deganimiz - sivilizatsiyaga asoslangan nuqtai nazaridan, bu haqiqatdan buyuk yerligini asoslab berayotgan manbalarni baralla aytishimiz kerak. Arab tilini ham o‘qita olmadik. Hozir arab davlatlari zamonaviy tilga o‘tib ketgan. Ikkinchidan, tarjima qilish nuqtai nazaridan, juda katta qo‘lyozmalarimiz bor. Biroq, ularning tarjimasiga hali qo‘l urmaganmiz.
Yoshlarimizga, xalqimizga, ularning ongiga yetadigan tilda, zamonaviy tilda aytishimiz kerak. Musulmon davlatlarga borilsa, ularda katta-katta kutubxonalar, markazlari bor, havasing keladi. Ular 15-20 yilda ancha oldinlab ketdi.
«Sulton Saodat» majmuasi, sayyidlar sulolasi Payg‘ambarimizning beshinchi avlodiga tegishli. Ochiq aytsak, shu bilimimizni, shu boyligimizni, Islom - nur ekanini odamlar tarbiyasiga singdira olmadik. Fojiamiz mana shunda», - dedi davlat rahbari.
«Har yili o‘ntagina mo‘min-musulmonni tarbiya qilolsak, tasavvur qilinglar, muhit qanday o‘zgaradi. Vaqt-soati keldi, sakkiz yuzinchi yildan boshlab mana shu tarixni tiklab, odamlarimizga ana shu ilmiy asoslarni yetkazsak, bu ham ma'rifat bo‘ladi», - deb aytgan prezident.
Mavzuga oid
![](https://storage.kun.uz/source/thumbnails/_medium/10/JqOZM8nlCgVqBcRCCLwR3vvK9hetQzLi_medium.jpg)
07:29 / 06.09.2024
Surxondaryoda 9400 tup daraxt nobud bo‘lishi mumkin
![](https://storage.kun.uz/source/thumbnails/_medium/10/d07rWGGgymuxQEP3xlwVTaiX0tjRo7t__medium.jpg)
12:31 / 31.08.2024
Surxondaryoda «Zarchob-1A» kichik GESi ishga tushdi
![](https://storage.kun.uz/source/thumbnails/_medium/10/6pRt_RZffphncAE5bj7z7j9FUBsZexu9_medium.jpg)
11:37 / 30.08.2024
Surxondaryoning ayrim hududlarida paxta terimi boshlandi
![](https://storage.kun.uz/source/thumbnails/_medium/10/oT7uzPC_B-5DTddqIAeKDC4XdOFhi0lm_medium.jpg)
21:02 / 15.08.2024