Ukraina prezidenti Pyotr Poroshenkoning ma'lum qilishicha, mamlakatda harbiy holat joriy etilishi Kiyev tomonidan hujumkor amaliyotlar o‘tkazilishiga olib kelmaydi. Bu haqda «RIA Novosti» xabar bermoqda.
Shuningdek, uning qo‘shimcha qilishicha, bu Donetsk va Lugansk oblastlarining muayyan hududlaridagi to‘qnashuv chizig‘ida mavjud holatni o‘zgartirmaydi.
«Harbiy holatning joriy etilishi Ukraina qandaydir hujumkor harakatlarni amalga oshirishidan darak bermaydi», - dedi u.
Bundan tashqari, Poroshenkoning aniqlik kiritishicha, harbiy holat joriy etilishi fuqarolar huquq va erkinliklari cheklanishini nazarda tutmaydi.
Shuningdek, Ukraina prezidenti Pyotr Poroshenkoning ma'lum qilishicha, mamlakatda harbiy holat joriy etilishi zudlik bilan safarbarlik amalga oshirilishini ham anglatmaydi.
Shu bilan birga, uning aniqlik kiritishicha, birinchi navbatdagi zaxira bilan tegishli ishlar olib boriladi.
«Biz davlatni himoya qilish uchun barcha choralarni qisqa vaqt ichida amalga oshirishimiz zarur», - dedi Poroshenko.
Eslatib o‘tamiz, avvalroq Kerch bo‘g‘oziga Ukrainadan qo‘shimcha kemalar, Rossiyadan samolyotlar yo‘llangandi.
