Қўшимча функционаллар
-
Тунги кўриниш
Аҳолидан солиқ қарзини ундиришда электр энергиясининг биллинг тизимидан фойдаланилади
Мол-мулк ва (ёки) ер солиғи бўйича қарзи 1 млн сўмдан ошган жисмоний шахслардан қарздорликни ундиришда электр энергиясининг биллинг тизими механизмидан фойдаланилади. Бундай тартиб 1 январдан синов тариқасида Наманган вилоятида бошланади, кейинроқ бошқа ҳудудларда ҳам жорий этилиши мумкин. Механизмнинг аниқ тафсилотлари маълум эмас. Аввалроқ чиқиндидан қарздорларнинг электр энергиясига тўлов қилиш имкониятини чеклаш йўлга қўйилган эди.
Фото: Dreamstime
“Солиқларнинг йиғилувчанлик даражасини ошириш ва фаол солиқ тўловчиларни рағбатлантириш чора-тадбирлари тўғрисида” президент қарори қабул қилинди.
Қарорнинг 8-бандида ёзилишича, Солиқ қўмитаси ҳамда Иқтисодиёт ва молия вазирлигининг таклифи асосида, 2026 йил 1 январдан бошлаб Наманган вилоятида янги солиқ бошқаруви модели синовдан ўтказилади.
Эксперимент доирасида жисмоний шахслардан олинадиган мол-мулк ва (ёки) ер солиғи бўйича умумий суммаси 1 млн сўмдан ошган солиқ қарздорлигини ундиришда электр энергиясининг биллинг тизими механизмидан фойдаланиш жорий этилади. Механизмнинг тўлиқ тафсилотлари ҳозирча маълум эмас.
Солиқ қўмитаси эксперимент натижалари асосида уни бошқа ҳудудларда жорий этиш бўйича таклифларни 2026 йил 1 октябргача Вазирлар Маҳкамасига киритиши белгиланди.
Қарорга асосан, жисмоний шахсларнинг солиқ қарзи тўғрисидаги маълумотлар тижорат банклари ва тўлов ташкилотларининг мобил иловалари фойдаланувчиларига илованинг асосий саҳифасида акс эттириб борилади. Марказий банкка бу масалада Солиқ қўмитасига амалий ёрдам кўрсатиш топшириғи берилди.
Эслатиб ўтамиз, 2025 йил ноябр ойидан эътиборан Тошкент шаҳрида чиқинди тўловидан қарздор абонентларга электр энергияси учун тўлов қилиш имконияти чеклаб қўйила бошланди. Бундай тартиб декабр ойидан бошқа ҳудудларда ҳам йўлга қўйилади.
Мавзуга оид
19:51 / 04.12.2025
Энергетика вазирлиги яратгани иддао қилинган мобил илова хусусий тадбиркорга тегишли бўлиб чиқди
21:27 / 30.11.2025
Инсон ҳуқуқлари бузилишига йўл қўйган 33 нафар масъул ходим интизомий ва маъмурий жавобгарликка тортилган – Омбудсман
00:21 / 30.11.2025
Энг яхши солиқ тўловчи маҳаллалар учун рағбатлар эълон қилинди
23:46 / 29.11.2025