Ўзбекистонда иккинчи ва учинчи атом электр станцияларини қуриш режалаштирилмоқда. Бу ҳақда президент Шавкат Мирзиёев 16 октябр куни ёқилғи-энергетика соҳасидаги инвесторлар билан ўтказилган очиқ мулоқотда маълум қилди.
«Биринчи атом электр станцияси қурилишини бошладик. Иккинчи ва учинчисини қуриш бўйича ҳам режаларимиз бор. Эртага янги ҳамкорларимиз ва инвесторлар билан иккинчи атом электр станциясини қуриш масаласини муҳокама қиламиз», – деди давлат раҳбари.
Шавкат Мирзиёев Ўзбекистонда уран ишлаб чиқариш ҳажми ошиб бораётганини, ушбу соҳага катта сармоя киритилиб, тажриба тўпланганини қўшимча қилди.
«Уран ишлаб чиқаришга биз жуда катта сармоя, имконият, тажриба орттирдик десак, тўғри бўлади. Шунинг учун биринчи атом электр станциясини бошладик, иккинчи ва учинчисига ҳам режаларимиз бор», – дейди президент.
Видео:
