Янги Тошкент ҳудудига ўтаётган маҳаллалар маълум қилинди

Давлат кадастрлари палатаси Тошкент вилояти бошқармаси берган маълумотга кўра, Тошкент вилоятидан умумий ҳисобда жами 37 та маҳалла(шундан, 23 та маҳалла тўлиқ таркибда) Янги Тошкент ҳудудига ўтади.

Тўлиқ таркибда Янги Тошкент ҳудудига ўтаётган маҳаллалар рўйхати:

Юқори Чирчиқ туманидан 20 та МФЙ:

• Истиқбол, Дархон, Усмонобод, Навоий, Жалолтепа, Ободон, Гулистон, Баҳор, Хван.Т.Г, Яшнобод, Уччинор, Нурафшон, Миробод, Файзиобод, A. Яссавий, Балиқчи, Ёшлик, Тинчлик, Ийк-ота ва Бирлик МФЙлари.

Ўрта Чирчиқ туманидан 3 та МФЙ:

• Шоликор, Ўчоқли ва Бунёдкор МФЙлари.

Аввалроқ, Тошкент вилоятидан Янги Тошкент ҳудудига ўтаётган умумий объектлар сони жами 19 723 та экани, шундан, турар жойлар - 18 773 та, нотурар жойлар - 891 та, кўп қаватли уйлар - 52 та экани ҳақида хабар берилган эди.

Туманлар кесимида кўрсаткичлар қуйидагича:

Юқори Чирчиқ туманидан жами 16 556 та объект:

- Турар жойлар - 15 688 та;

- Нотурар жойлар - 831 та;

- Кўп қаватли уйлар - 30 та.

Ўрта Чирчиқ туманидан жами 3 167 та объект:

- Турар жойлар - 3 085 та;

- Нотурар жойлар - 60 та;

- Кўп қаватли уйлар - 22 та.