Чехияда 2 поезд тўқнашиб кетиши оқибатида 7 йўловчи жароҳатланди

Чехиянинг Ротава шаҳридаги темир йўл станциясидан 200 м масофада икки поезд тўқнашиши оқибатида 7 киши жароҳатланди. Бу ҳақда Blesk хабар тарқатган.

«Бу ҳодисада жиноят аломатлари борлиги бўйича текширувлар бошланган. Ҳозирча ҳодисанинг аниқ сабаби маълум эмас», — деган полиция вакили Кэтрин Крейчи.

Жабрланганлар шифохонага ётқизилган.

Аниқлик киритилишича, поездлар кичик тезликда ҳаракатланаётганди.