Туркия Австриядаги элчисини ортга чақиртириб олди

Туркия Австриядаги элчисини ортга чақиртириб олди. Бу ҳақда Туркия ташқи ишлар вазири Мавлуд Човушўғлу маълум қилди.  

"Биз Анқарага Венадаги элчимизни маслаҳатлашув ва муносабатларимизни қайта қўриб чиқиш учун чақиртириб олдик", деб айтди вазир.

Reuters ахборот агентлигининг маълум қилишича, Туркиянинг Венадаги элчиси Австрияда Туркияда тақиқланган Курдистон ишчи партиясини қўллаб-қувватловчи намойиш ўтгани сабабли чақиртириб олинган.

Аввалроқ Австрия канцлери Кристиан Керн Европа Иттифоқи Туркиянинг Европа Иттифоқи аъзоси бўлиши бўйича сохта музокараларни давом эттириш ўрнига янги форматдаги ҳамкорликни таклиф қилиши лозимлигини айтганди.