Москвадаги омборда чиққан ёнғин оқибатида 17 нафар меҳнат муҳожири ҳалок бўлди

Москва шимоли-шарқидаги Алтуфьевский шоссесидаги омборда чиққан ёнғин туфайли 17 киши ҳалок бўлди, яна уч киши жароҳатланди. Бу ҳақда пойтахт фавқулодда вазиятлар хизмати маълумотига асосланиб, РИА «Новости» хабар бермоқда. 

«Типографик маҳсулотлар омборида рўй берган ёнғин оқибатида 20 киши жабрланди. Улардан 17 нафари ҳалок бўлди, қолган уч нафари шифохонага ётқизилди», — деб маълум қилган манба.

Дастлабки маълумотларга кўра, ҳалок бўлганларнинг барчаси МДҲ давлатларидан келган кишилардир. Манбанинг сўзларига кўра, ёнғинни ўчириш жараёнида 12 киши қутқарилган. Ҳалок бўлганларнинг барчаси меҳнат муҳожирлари бўлган.
Айрим манбаларнинг маълумотига кўра, ҳалок бўлганларнинг барчаси ухлаб ётганларида, олов тутинидан бўғилиб ўлганлигини қайд этмоқда.