Шахмат Олимпиадаси. Ўзбекистон эркаклар термаси 39, қизлар жамоаси эса 22-ўринни эгаллади

Озарбойжон пойтахти Боку шаҳри мезбонлик қилган 42-Бутунжаҳон Шахмат Олимпиадаси якунланди. 

Ўзбекистон қизлар терма жамоаси умумжамоа ҳисобида 22-ўринни қўлга киритди.

Ўзбекистонлик шахматчи қизлар 11та учрашувдан 6 тасида зафар қучишга эришди. 2та беллашув дуранг билан ўз якунига етди, 3та терма жамоа эса ўзбекистонлик шахматчи қизлардан устун келди.

Чемпионлик хитойликлар жамоасига насиб қилди. Иккинчи ва учинчи ўринлар Польша ва Украина вакиллари томонидан банд этилди.

Рустам Қосимжонов бошчилигидаги Ўзбекистон эркаклар терма жамоаси Олимпиадани 39-ўринда якунлади.

11 турдан 6тасида ғалаба, 1тасида дуранг ва 4тасида мағлубият қайд этилган.

Ҳар 2 йилда бир марта ўтказиладиган Шахмат Олимпиадасида чемпионлик АҚШ вакилларига насиб қилган.

Манба: «Оламспорт»