BP Шимолий денгизда 95 тонна нефть сувга оқиб кетгани ҳақида маълум қилди

Британиянинг British Petroleum нефтегаз компанияси ўз расмий сайтида маълум қилдики, Шимолий денгиздаги Clair платформасида техник носозлик туфайли улкан миқдорда нефть оқиб кетган.

Қайд этилишича, сувга 95 тонна нефть тушган.

Компания маълумотига кўра, нефть оқиши 1 соат ичида тўхтатилган.

Аниқлик киритилишича, бу платформа Шетланд оролларидан 75 км шимолда жойлашган ва сувга оққан нефть қуруқликдан шимолга қараб ҳаракатланмоқда.