Путин Суриядаги ҳаво кучларини қайта жойлаштиришга рухсат берди

Фото: russian.rt.com

Россия президенти Владимир Путин Россия Қуролли кучлари авиация гуруҳини бошқа жойга кўчириш бўйича Сурия ҳукумати билан имзоланган келишувни ратификация қилиш тўғрисидаги қонунни имзолади.

Сурияда ҳарбий авиацияни жойлаштириш келишуви муддатсиз бўлиб, унинг имзоланиши билан кучга кирган.

Шу йилнинг 7 октябрида Давлат думаси 2015 йилнинг 26 августида авиагуруҳни муддатсиз жойлаштириш бўйича Россия-Сурия битимини тасдиқлаган эди.

Келишув шартларига мувофиқ, Россия Сурия ҳукумати билан келишган ҳолда авиация гуруҳи таркибини ўзи белгилайди.