Ўзбекистон ва Афғонистон экстрадиция тўғрисидаги битим имзоланди

Фото: Ўзбекистон ТИВ матбуот хизмати

17 октябрь куни Ўзбекистон ташқи ишлар вазири Абдулазиз Комилов Ислом ҳамкорлик ташкилоти Ташқи ишлар вазирлари кенгашининг 43 сессиясида иштирок этиш учун Тошкент шаҳрига келган Афғонистон Ислом Республикаси ташқи ишлар вазири Салоҳиддин Раббони билан учрашди.

Ўзбекистон ТИВ матбуот хизматининг хабар қилишича, мулоқот чоғида икки томонлама муносабатларнинг долзарб масалалари муҳокама қилинди ва ҳамкорликни янада ривожлантиришдан икки томон ҳам манфаатдор эканлиги таъкидланди.

Учрашув доирасида вазирлар Ўзбекистон билан Афғонистон Ислом Республикаси ўртасида ушлаб бериш тўғрисида Битимни имзоладилар.