Жастин Бибер концерт вақтида саҳнадан кетиб қолди

Канадалик таниқли поп-қўшиқчи Жастин Бибер Манчестердаги концерти вақтида мухлислардан хафа бўлиб, саҳнадан чиқиб кетди, деб хабар бермоқда The Daily Mail.

Қўшиқчи томошабинлардан у қўшиқлар орасидаги танаффусда нормал гапира олиши учун шовқин солмасликни сўраган. Мухлислар қўшиқчининг бу илтимосига майнавозчилик қилиб, баттарроқ шовқин сола бошлашган. Натижада Бибер микрофонни улоқтириб саҳнани тарк этган. 

Маълум қилинишича, Бибернинг Буюк Британияда ўтаётган гастроли давомида қичқираётган томошабинлар уни "тақиб қилмоқда".