Mercedes-AMG жамоасининг пойгачиси Нико Росберг ўз фаолиятида биринчи марта "Формула-1" пойгасининг чемпиони бўлди. Немис пойганинг сўнгги босқичи – Абу-Даби Гран-присида маррага иккинчи бўлиб келди. Пойгада унинг асосий рақиби Льюис Хэмилтон ғолиб бўлганига қарамасдан, бу унга Росбергга етиб олишга ёрдам бермади.
Маррага учинчи бўлиб Себастьян Феттель етиб келди.
Умумий ҳисобда Росберг жамоадоши Хэмилтонни 5 очко ортда қолдирди. Дэниэл Риккардо мавсум якунларига кўра 256 балл билан 3-ўринни эгаллади.
Mercedes-AMG жамоаси Япония Гран-присидан кейин муддатдан аввал муҳандислар кубоги ғолиби бўлганди.
Қуйида пойганинг умумий натижалари келтирилган.
Абу-Даби Гран-приси
1. Льюис Хэмилтон Mercedes-AMG
2. Нико Росберг Mercedes-AMG
3. Себастьян Феттель Ferrari
4. Макс Ферстаппен Red Bull
5. Дэниэл Риккардо Red Bull
6. Кими Райкконен Ferrari
7. Нико Хюлькенберг Force India
8. Серхио Перес Force India
9. Фелипе Масса Williams
10. Фернандо Алонсо McLaren
11. Роман Грожан Haas
12. Эстебан Гутиеррес Haas
13. Эстебан Окон Manor
14. Паскаль Верляйн Manor
15. Маркус Эрикссон Sauber
16. Фелипе Наср Sauber
17. Жолион Палмер Renault
Умумий ҳисоб
1. Нико Росберг Mercedes-AMG 385 (очко)
2. Льюис Хэмилтон Mercedes-AMG 380
3. Дэниэл Риккардо Red Bull 256
4. Себастьян Феттель Ferrari 212
