Ray-Ban ва Essilor 53 млрд доллар эвазига бирлашади

Италиянинг кўзойнаклар ишлаб чиқарувчи Luxottica компанияси ва Франциянинг Essilor линзалар ишлаб чиқарувчиси 50 млрд евро (53,2 млрд доллар) эвазига бирлашишга келишиб олди. Бу ҳақда Financial Times газетаси ўз манбаларига асосланган ҳолда хабар қилмоқда. 

Таъкидланишича, битим муваффақиятли амалга ошса, Luxottica компаниясининг 81 ёшли асосчиси Леонардо дель Веккьо бирлашган компаниянинг 31 фоизлик акциясига эгалик қилиш билан унинг йирик акциядорига эгалик қилади. 

Режаларга кўра, иккала компания бирлашганидан кейин, умумий савдо ҳажми 14 млрд еврони ташкил этади. Бунда ишчилар сони 130 минг кишига етади. 

Luxottica компанияси Ray-Ban, Persol ва Oakley каби кўзойнакларни ишлаб чиқаради. Essilor линзалар ва оптик ускуналар ишлаб чиқаради. 

Италиянинг Luxottica компаниясининг 2016 йил учинчи чоракдаги соф даромади 3,2 фоизга ошиб, 2,23 млрд долларга етган эди.