Xiaomi собиқ вице-президенти Facebook’да виртуал реаллик билан шуғулланиши маълум бўлди

Марк Цукерберг Xiaomi компанияси собиқ вице-президенти Хьюго Барра Oculus’ни бошқариши ҳамда виртуал реаллик (VR)ни ривожлантириш билан шуғулланишини расман маълум қилди. Бу ҳақда Mashable хабар берди.

Барранинг Xiaomi’дан кетиши ҳақидаги хабарлар ўтган ҳафтада пайдо бўлганди. У бу маълумотни тасдиқлади ҳамда Хитойни тарк этиб, Кремний водийсига кўчиб ўтишини айтиб ўтди. Эндиликда у Facebook компаниясининг Oculus ва бошқа VR-лойиҳалари билан шуғулланади.

Аввалроқ Facebook янги ижтимоий тармоқни виртуал реалликда синовдан ўтказаётгани ҳақида хабарлар тарқалганди.