Ироқ Сурия ҳудудини бомбалаш учун ҳарбий самолётларини жўнатди

Ироқ бош вазири Ҳайдар ал-Ободий Сурия ҳудудида ИШИД жангариларига қарши ҳарбий амалиётлар ўтказишга буйруқ берди.

«Биз ҳарбий ҳаво кучлари самолётларини Сурия ҳудудида ИШИД марраларини бомбалаш учун юбордик», — дея ҳукумат раҳбарининг сўзларини келтирган Al Sumaria телеканали.

Бундан олдинроқ, 23 февраль куни Ироқ ҳукумати Мўсул аэропорти жангарилардан озод этилганини эълон қилганди.

Ўтган ҳафта Ироқ пойтахти Бағдод шаҳрида иккита қўпорувчилик ҳаракати содир этилганди. Биринчи теракт оқибатида 15 киши ҳалок бўлиб, 50дан ортиқ киши жароҳатланганди. Кейинроқ Баяа туманида автомобиль портлатилиши оқибатида 55 киши ҳалок бўлиб, 50дан ортиқ киши жароҳатланди.