Аргентинанинг собиқ президенти унга нисбатан суд иши тўхтатилишини сўради

Аргентинанинг собиқ президенти Кристина Фернандес де Киршнер суддан ўзига нисбатан пулларни ювиш ва коррупция айблови билан олиб борилаётган ишни тўхтатишни сўради. Бу ҳақда Киршнер сўроқ вақтида судьяга берган ёзма аризасида айтилган. 

"Менга нисбатан олиб борилаётган суд ишини тўхтатишингизни сўрайман", деб ёзилган аризада.

"Аввал кўплаб маротаба айтганимдек, мен суд ва медиа таъқиби объекти ҳисобланаман. Мамлакатимиз тарихида бу каби таъқиб бўлмаган. Менинг ҳолатимда эса у фарзандларим Максимо ва Флоренсия Киршнерга ҳам татбиқ қилинмоқда", деб айтган собиқ президент. 

6 март куни суд олдида Киршнернинг фарзандлари кўрсатма беришни бошлашган. Улар ўзларининг ёзма аризаларида теговнинг холислигини шубҳа остига қўйишган. Собиқ президентнинг айтишича, айблов томоннинг фикрича, Киршнер оиласига тегишли Los Sauces компанияси аралашган жиноий гуруҳ фаолият юрита бошлаганда у бор-йўғи 12 ёшда бўлган. 

Ўтган йил май ойида Аргентина прокуратураси депутат ва президентликка собиқ номзод Маргарита Столбисернинг аризасини кўриб чиқа бошлаган. Аризага кўра, кўчмас мулк билан шуғулланувчи Los Sauces компанияси Ласаро Баес ва Кристобаль Лопес исмли тадбикорлар иштирок этиши мумкин бўлган коррупцион схемадан олинган пулларни ювишда қўлланган бўлиши мумкин. Компанияни Кристина Киршнер ва унинг собиқ турмуш ўртоғи Нестор Киршнер бошқарганда тадбиркорлар давлатдан кўплаб буюртмалар олишган. 

Айни вақтда собиқ президентга нисбатан иккита иш қўзғатилган. У давлат маблағларини ўғирлаш учун жиноий тил бириктиришда ва Аргентина марказий банкидаги фирибгарликларда айбланмоқда. У шунингдек ноқонуний давлат орттириш ва коррупцияда ҳам айбланмоқда.