Украина ва Беларусь президентлари сиёсий мулоқотни фаоллаштиришга келишиб олдилар

Украина ва Беларусь президентлари Пётр Порошенко ва Александр Лукашенко телефон орқали мулоқотда икки томонлама муносабатларнинг жорий ҳолати ва истиқболларини муҳокама қилишди. Бу ҳақда Порошенко матбуот хизмати хабар берди.

Икки давлат етакчиси савдо-иқтисодий ҳамкорлик масалалари бўйича Украина-Беларусь ҳукуматлараро комиссияси келишувларининг тўлиқ  амалга оширилиши муҳимлигини таъкидлаб ўтдилар. 

"Давлат етакчилари барча босқичларда сиёсий мулоқотни фаоллаштиришга келишиб олдилар. Президент Лукашенко Украинанинг Беларусда янги элчиси тайинлангани билан қутлади", дейилган хабарда.