Қирғизистонликлар май байрамлари муносабати билан 5-9 май кунлари дам оладилар. Бу ҳақда Қирғизистон ҳукуматининг ахборот таъминоти аппарати бўлими бошлиғи маълум қилди.
Гап шундаки, жорий йилда жума кунига тўғри келадиган 5 май Қирғизистонда Конституция куни, 9 май эса Ғалаба куни сифатида нишонланади.
Бош вазир Сооронбай Жээнбеков дам олиш ва байрам кунларидан оқилона фойдаланиш мақсадида ҳукуматнинг иш кунларини кўчириш ҳақидаги қарорини имзолади.
Қарорга кўра, 5 кунлик иш ҳафтаси жадвали бўйича ишловчи ташкилотлар, муассасалар ва корхоналар ходимлари учун 8 майдаги иш куни 13 майдаги дам олиш кунига кўчирилади.
Шу тариқа, 8 май иш куни эмас деб эълон қилингани сабабли, қирғизистонликлар 5-9 май кунлари дам оладилар.
13 май, шанба эса иш куни бўлади.
