Ўзбекистон терма жамоасида илк мағлубият

Фото: Facebook.com/ASBC

Тошкентда 29-Осиё чемпионати эрталабки чорак финал баҳслари давом этмоқда.

Айни вақтда -91 кг вазн тоифасидаги боксчиларнинг илк чорак финал жуфтлиги баҳси поёнига етди. Унда ўзбекистонлик Санжар Турсунов қозоғистонлик Василий Левитга қарши рингга кўтарилди.

Биринчи раундданоқ қозоғистонлик тажрибали боксчи рингда биринчи рақам остида ҳаракат қилди. Мезбон спортчи эса қарши ҳужумларда ҳаракат қилди.

Якунда қозоғистонлик олимпия совриндори очколар бўйича устун келиб, ярим финал йўлланмасини қўлга киритди. Шу тариқа, Санжар Турсунов турнирда иштирок этаётган 10 нафар ўзбекистонлик боксчи орасида биринчи бўлиб турнирни тарк этди.

Тошкент мезбонлигидаги турнир Германияда ўтказиладиган жаҳон чемпионати учун саралаш вазифасини ўтаб бермоқда.