Олланд Макронга ваколатларни қачон топшириши айтилди

Фото: Reuters

Франциянинг амалдаги президенти Франсуа Олланднинг маълум қилишича, сайланган президент, “Олға” ҳаракати етакчиси Эммануэль Макронга ўз ваколатларини якшанба 14 май куни топширади. Бу ҳақда Figaro газетаси маълум қилган.

Олланднинг мандати 14 май куни ўз якунига етади.

Францияда якшанба куни президентлик сайловларининг иккинчи тури бўлиб ўтди. Мамлакат ИИВ маълумотига кўра, Макрон 66,1 фоиз овоз тўплаб ғалаба қозонди. Сайловчиларнинг 20,7 миллиони ўз овозини Макронга берган. “Миллий фронт” партияси етакчиси Марин Ле Пен эса 10,6 миллиондан ортиқроқ овоз олди (33,9 фоиз).

Тайёрлаган Отабек Матназаров

#Франция #Эммануэль Макрон #Франсуа Олланд

11 нафар номзод Елисей саройи учун кураш олиб бормоқда. Франция конституциясига мувофиқ, биринчи турдан сўнг икки номзод қолади. Улар сайловнинг якуний босқичида иштирок этади. Иккинчи тур 7 май куни бўлиб ўтади.