Трамп ва Макрон НАТО саммитида учрашишга келишиб олишди

фото timeua.info

АҚШ президенти Дональд Трамп ва Франциянинг сайланган президенти Эммануэль Макрон 25 май куни Брюсселда ўтадиган НАТО саммитида учрашишга келишиб олдилар. Трамп ва Макрон бу ҳақда илк ўзаро телефон мулоқотлари давомида келишиб олдилар, деб хабар бермоқда Оқ уй матбуот хизмати.

Таъкидланишича, Трамп умумий муаммоларни ҳал қилишда Макрон билан яқиндан ҳамкорлик қилиш истагини билдирган.

"Президент Трамп Франциянинг сайланган президенти Макрон билан умумий муаммоларни ҳал қилишда яқиндан ҳамкорлик қилиш истагини билдирди ҳамда АҚШ ва унинг энг азалий иттифоқдоши Франция ўртасида мустаҳкам ва узоқдан бери давом этиб келаётган ҳамкорлик мавжудлигини таъкидлаб ўтди", дейилган хабарда.