«Ўзбекнаво» эстрада бирлашмаси ва «Ўзбекрақс» миллий рақс бирлашмаси негизида ташкил этилган «Ўзбекконцерт» давлат муассасасига раҳбар тайинланди.
«Ўзбекистон Республикаси Маданият вазирлигининг 2017 йил 19 майдаги 236-сон «Ўзбекконцерт» давлат муассасаси фаолиятини йўлга қўйишни ташкил этиш тўғрисидаги буйруғига асосан Республика маданият муассасалари фаолиятини ташкил этиш илмий методик маркази директори Ҳайдаров Азамат Ҳайдарович «Ўзбекконцерт» давлат муассасаси директори вазифасини вақтинчалик бажариш юклатилди.
Ҳайдаров Азамат Ҳайдаровичнинг келгусидаги фаолиятига улкан муваффақият ва зафарлар тилаймиз», дейилган «Ўзбекнаво» матбуот хизмати хабарида.
