Видео: Довюрак қария ёнаётган машинадан ҳайдовчи ва йўловчиларни қутқарди

Интернетда Ингушетиядаги Ростов-Боку автомобиль йўлида рўй берган ҳодиса тасвирланган кадрлар пайдо бўлди. У ерда автофалокат рўй берган жойни айланиб ўтаётган "Волга"га ВАЗ келиб урилган. 

Ҳодиса натижасида машина ёниб кетган. Шу билан бирга, йўловчилар ва ҳайдовчи салондан чиқишга қийналишди, сабаби авто эшиги очилмаган.

Ёрдамга гувоҳлар етиб келишган ҳамда кекса ёшли эркак портлаш хавфи бор эканига қарамай, машина ойнасини тепиб синдирган ва жабрланувчиларни чиқариб олган.

Ҳодиса 2012 йилда рўй берган, бироқ видео эндигина пайдо бўлди ҳамда интернетда оммалашди.