Аёл ўз фарзандини мурувват уйига курьерлик хизмати орқали юборди

Хитойда аёл ўз фарзандини мурувват уйига курьерлик хизмати орқали юборди. У болани пластик пакетга жойлаган, деб хабар бермоқда South China Morning Post нашри.

Маълум қилинишича, курьерлик хизмати ходими болани аниқлаганидан сўнг, бу ҳақда полицияга хабар қилган. Газета маълумотларига кўра, у аввалига пакет қимирлаётганини пайқаган, сўнг эса чақалоқ йиғисини эшитган.

Чақалоқ шифохонага олиб кетилди. Тиббиёт ходимлари сўзларига кўра, унинг аҳволи барқарор, деб баҳоланмоқда.

Айни дамда аёл полиция томонидан қўлга олингани айтилмоқда.