«Арсенал»Ўзил билан шартномани узайтиради, Санчес мавсум тугагач эркин агент сифатида кетади

Шартномаси тугашига бир йил қолган «Арсенал» яримҳимоячиси Месут Ўзил тез орада клуб билан янги шартномага қўл қўяди. Бу ҳақда Daily Mail нашри хабар тарқатди.

Манба берган хабарга кўра, 28 ёшли немис футболчиси лондонликлар билан ҳафтасига 300 минг фунт стерлингдан иборат янги шартнома тузади.

Ҳозирча клуб ҳужумчиси Алексис Санчес 2018 йил июлда ниҳоясига етадиган шартномасидан кейин «Арсенал»ни тарк этади ва катта эҳтимол билан «Манчестер Сити» (текинга) ўтади.