Ассанж: Россия АҚШ Демократик партияси тизимлари бузилишига алоқадор эмас

Турли махфий маълумотларни фош этишга ва омма эътиборига ҳавола этишга ихтисослашган WikiLeaks сайти асосчиси Жулиан Ассанж Россиянинг АҚШ президентлик сайлови кампаниясида Демократик партияси серверлари бузилишига алоқаси йўқлигини таъкидлади. У Конгресснинг республикачи аъзоси Дана Рорабахер билан учрашувда шундай баёнот берди, деб ёзмоқда Hill газетаси.

"Биз 3 соат учрашувимизда қатор масалаларни муҳокама қилдик, жумладан ўтган йилги президентлик сайловлари чоғида Демократик партия электрон мактубларининг WikiLeaks сайтига берилишини ҳам", — дея Рорабахер сўзларини елтиради нашр. "Жулиан қатъий равишда русларнинг ушбу мактубларни бузиш ёки фош этилишига умуман алоқаси йўқлигини айтди", — деган сиёсатчи. 

Конгрессменнинг қўшимча қилишича, у президент Дональд Трамп билан учрашувда батафсилроқ маълумотни тақдим қилишни режалаштирмоқда. 

"Жулиан, шунингдек, Демократик партия электрон мактублари билан боғлиқ вазиятнинг жамоатчиликка маълум бўлмаган қисмлари бўйича ҳамкорликка тайёрлигини билдирди", — деб қўшимча қилди Рорабахер.