Жанубий Корея президенти КХДРга «йўқ қилиб ташлаш» билан таҳдид қилди

Жанубий Корея президенти Мун Чжэ Ин КХДР билан мулоқот олиб бориш имконсизлиги ҳақида маълум қилди.

«Агарда, Шимолий Корея Жанубга ёки бизнинг иттифоқчимизга (АҚШ – таҳ.) қарши фитна ҳаракатларини амалга оширса, биз Шимолни йўқ қилиб ташлаш учун шундай кучга эгамизки, улар кейин умуман тиклана олишмайди», - дея президентнинг сўзларини келтиради «Рёнхап».

Аввалроқ Япония АҚШ ва Жанубий Корея билан биргаликда КХДР раҳбариятига «мисли кўрилмаган даражада» босим ўтказишни режалаштираётгани маълум қилинганди.