Ушбу ҳолат тасвирланган видеода бир йигит катта ўлчамли балиқнинг қорнини ёраётгани ва ундан денгиз тошбақаларини чиқариб олаётганини кўриш мумкин. Эркак балиқ ошқозонидан бирин-кетин 32 та тошбақани чиқариб олади.
Кўринишича, балиқ қармоққа илинишдан олдин тошбақалар билан "тушлик" қилиб олган. Бахтга қарши, тошбақаларнинг барчаси ўлик ҳолда бўлган. видео охирида йигит буни ўзига хос имо-ишора билан кўрсатади.
Катта корифенанинг узунлиги 1,5 метргача етади ва у асосан балиқ, қисқичбақасимонлар ва калмарлар билан озиқланади. Бу балиқ дунёдаги энг тез сузувчи балиқлардан бири ҳисобланади.
