«Made in Uzbekistan» кўргазмасида иштирок этадиган компаниялар сони 130тага етди

«Ўзэкспомарказ» Миллий кўргазмалар компаниясининг марказий павильонларида жорий йилнинг 7-9 ноябрь кунлари «Made in Uzbekistan» (“Ўзбекистонда ишлаб чиқарилган”) деб номланган Ўзбекистон Республикасининг иқтисодий ютуқларини намоён қилувчи, барча саноат йўналишларидаги юқори сифатли ва экспортга йўналтирилган маҳсулотларни ишлаб чиқарувчи корхоналар иштирокида кўргазма бўлиб ўтиши белгиланган.

Ушбу кўргазма-ярмаркада маҳаллий саноат корхоналарининг тақдимотлари бўлиб ўтади, шу жумладан, ташриф буюрувчилар республикамизнинг илмий-саноат йўналишидаги барча ютуқлари ва намоён қилинган инновацион лойиҳалар ҳақида маълумот олишлари мумкин булади.

Шунингдек, Юртбошимиз раҳнамолигида кичик бизнес ва хусусий тадбиркорлик субъектларини экспорт фаолиятига жалб этиш юзасидан амалга оширилаётган кенг кўламли ислоҳотлари ва ўз ўрнида ушбу ўтказиладиган кўргазма-ярмарка тадбиркорларнинг чет эл бозорларига чиқишига, хорижий ҳамкорлар топишида имкониятлар яратади. 

Бундан ташқари, кўргазма меҳмонлари мамлакатимизнинг эркин иқтисодий ва махсус иқтисодий зоналари, технопарклар, енгил саноат, фармацевтика, озиқ-овқат, чарм, қурилиш маҳсулотлари, кимё саноати, халқ истеъмол моллари, автомобилсозлик саноати, йўл транспорт инфратузилмаси, электротехника, телекоммуникация ва ахборот технологиялари, агросаноат соҳаларида эришилган ютуқлар ва янги турдаги ишлаб чиқарилган саноат маҳсулотлари, таълим ва барча турдаги хизматлар ҳам кенг кўламда намойиш этилиши кўзда тутилган.

Йирик хорижий компания вакиллари келиши кутилмоқда.

Ҳозирги кунда иштирокчи компаниялар 130 дан ортиқ иштирок этишини тасдиқлади.

Ўзбекистон Республикаси иктисодиёти ютуклари

"Made in Uzbekistan" кўргазма-ярмаркасига хуш келибсиз!

Батафсил маълумот учун телефон рақамлари: +(99871) 238-56-11,/40/19/10/00.

Сайт: www.uzexpocentre.uz

Email: [email protected]