Ўзбекистонлик шахматчи халқаро турнир ғолиби бўлди

20 октябрь куни Россиянинг Санкт-Петербург шаҳрида М.И.Чигорин хотирасига бағишланган шу йилги 24-халқаро шахмат фестивали блицдан старт олди. Унда турли давлатлардан келган 275 шахматчи, жумладан 14 гроссмейстер ва 22 халқаро усталар иштирок этишди, деб ёзади Ўзбекистон шахмат федерацияси расмий сайти.

Блиц-турнир 13 турдан иборат, партиясига 3 дақиқа вақт назорати ва ҳар бир юришга 2 сония ажратилган швейцария тизимида бўлиб ўтди.

Турнирда биринчи ўринни ўзбекистонлик 15 ёшли халқаро уста Нодирбек Ёқуббоев 9,5 очко билан биринчи ўринни эгаллади. 2-ўринни россиялик гроссмейстер С.Сюгиров, учинчи ўринн эса ҳиндистонлик Р.Вашйали 9 очкодан тўплаб эгаллашди.